NOS PUBLICATIONS

  • fondationmshaiti

Pote kole pou pwojè « Tifi fò » ka tounen yon reyalite

Dernière mise à jour : 5 mars


Bonjou/Bonswa zanmi nou,

Fondation Maurice A. Sixto kontan ekri w pou mande w akonpanye li nan pèmèt tifi peyi Ayiti ki gen ant 10 ak 16 an dekouvri fòs ak seri bèl bagay ki kache nan fon kè yo. Se nan kad yon pwojè nou rele « Tifi fò », k ap reyalize nan jou k ap Samdi 12 mas 2022 a, n ap pèmèt benefisyè yo dekouvri tèt yo. Pwojè sila ap reyalize nan okazyon 8 mas ki se Jounen Mondyal Dwa Fanm. S on fason pou Fondation Maurice A. Sixto inisye tifi yo, depi yo tou piti, nan konnen ak defann dwa yo. Nan kad jounen sa a, plizyè pwofesyonèl, Koutiryè, Pwofesè, Antreprenè, Kontab, Polisyè, Sosyològ, DJ ak Fotograf ( tout se fanm) ap gen pou vini pale ak tifi ki benefisye pwojè a sou egzijans ak pratik metye pa yo, yon fason pou motive benefisyè yo sou pasyon yo genyen osnon ede yo devlope pasyon yo nan benefis sosyete a. Anplis, nan kad pwojè « Tifi fò » a pwofesyonèl yo ap aprann benefisyè yo goumen pou pasyon sa yo pa peri akoz kondisyon lavi. Se pou sa a pwojè a gen plizyè volè : yon volè ankadreman ki entèrese l ak kondisyon lavi tifi yo, yon volè ki entèrese l ak epanouyisman tifi yo epi yon volè ki chita sou pwoteksyon. Se sou nòt sa n ap kite ou zanmi.


Bay piti pa chich. Men kouman ou ka ede nou :


1) Mon Cash : ( 509) 3 731- 5770


2) Chèk nan non Fondasyon Maurice A. Sixto. UNIBANK : Depo an goud cpt # 105 102100673036


3) PayPal sou sit nou a : www.fondationmauricesixto.org Klike sou FAIRE UN DON. Nan pye paj akèy la.


Mèsi davans zanmi paske ou konprann nou!

28 vues0 commentaire

Posts récents

Voir tout

CONTACTEZ_NOUS

#28, Rue Gabart, Pétion Ville, Haïti 

info@fondationmauricesixto.org
+509 3449-3583 / 718-355-8201

Success! Message received.

  • Blanc Facebook Icône
  • Blanc Twitter Icon
  • Blanc Icône Instagram
  • Blanc Icône YouTube